ජනපති අද AI Impact Summit 2026 සමුළුව අමතයි

ජනාධිපති අනුර කුමාර දිසානායක මහතා AI IMPACT  2026 සමුළුව අද (19) ඇමතීමට නියමිතව තිබෙනවා.

ඉන්දීය අග්‍රාමාත්‍යවරයාගේ විශේෂ ආරාධනයකට අනුව ජනාධිපති අනුර කුමාර දිසානායක මහතා මේ වනවිටත් නවදිල්ලි නුවරට ගොස් සිටිනවා.

ඊට සමගාමීව ජනාධිපතිවරයා අද (19) සහ හෙට (20) හමුවීම් රැසකට එක්වීමට නියමිතයි.

මේ අතර නව දිල්ලි නුවරට පැමිණ සිටින රාජ්‍ය නායකයන් වෙනුවෙන් ඉන්දීය අග්‍රාමාත්‍ය නරේන්ද්‍ර මෝදි මහතා විසින් පිරිනමනු ලබන විශේෂ රාත්‍රී භෝජන සංග්‍රහයකට ද ජනාධිපතිවරයා ඊයේ (18) එක් වුණා.

කෘත්‍රීම බුද්ධිය මානව වර්ගයාගේ යහපත උදෙසා වගකීම් සහගතව භාවිත කිරීමේ අරමුණින් ඒ.අයි ඉම්පැක්ට් 2026 සමුළුව පැවැත් වෙනවා.

රාජ්‍ය නායකයන් සහ ලොව තාක්ෂණ ක්ෂේත්‍රයේ ප්‍රධානීන්ගේ සහභාගීත්වයෙන් පැවැත් වෙන එම  සමුළුව ජනාධිපති අනුර කුමාර දිසානායක මහතා අද (19) දිනයේ ඇමතීමට නියමිතයි.

The post ජනපති අද AI Impact Summit 2026 සමුළුව අමතයි appeared first on TODAY NEWS LK.

from TODAY NEWS LK https://ift.tt/e1nIS8b