පිටි කිලෝව රුපියල් 400යි.. පාන් ගෙඩිය රුපියල් 300 තෙක් ඉහලට..

 

කිලෝ 50 කින් යුතුව තිරිඟු පිටි මිටියක මිල මේ වන විට රුපියල් විසි දහසක් දක්වා ඉහළ ගොස් ඇති බව සමස්ත ලංකා බේකරි හිමියන්ගේ සංගමය සඳහන් කරයි.

ඒ අනුව තිරිගු පිටි කිලෝවක තොග මිල රුපියල් 400 දක්වා ඉහළ ගොස් ඇතැයි ද සංගමයේ සභාපති එන්.කේ. ජයවර්ධන මහතා පැවසීය.

මෙම තත්ත්වය මත ඉදිරියේදී පාන් ගෙඩියක මිල රුපියල් 300 ක් දක්වා ඉහළ දැමීමට සිදු වනු ඇති බව ද ඔහු සදහන් කලේය.

දැනට වෙළඳපොලේ තිරිගු පිටි විශාල හිඟයක් පවතින බවත් ඒ හේතුවෙන් බේකරි රැසක් වැසී යාමේ අවදානමට ලක්ව ඇති බවත් ඔහු තවදුරටත් කියා සිටියේය.