අවුරුද්දටම දින 191ක් වැඩ කරන අපුරු සේවය..

දින 365න් රාජ්‍ය සේවකයින් සිය රාජකාරී සිදුකරන්නේ දින 191ක් පමණක් බව කම්කරු සහ විදේශ රැකියා අමාත්‍ය මනූෂ නානායක්කාර අද (02) පාර්ලිමේන්තුවේදී පැවසීය.

අතුරු අයවැය විවාදයේදී අදහස් දක්වමින් ඔහු මේ බව සඳහන් කළේය.

“රාජ්‍ය සේවයේ පඩි සහිත නිවාඩු 45ක් තිබෙනවා. රජයේ නිවාඩු 149ක් තිබෙනවා ආසන්න වශයෙන්. ඒ අනුව සාමාන්‍යයෙන් රාජ්‍ය සේවකයෙක් දින 365න් වැඩ කරන්නේ දින 191යි.

ඉතාමත්ම බරපතළ ප්‍රශ්නයක් තියෙනවා. ඒ පිළිබඳව අපි දැනටමත් ඵලදායිතා ලේකම් කාර්යාලයට නියෝග ලබාදීලා තිබෙනවා ඉතා ඉක්මණින් මේ ඵලදායිතා ගැන පරීක්ෂණ කරන්න.



“ඒ ඒ අයගේ ඉලක්ක අනුව වැඩකරන් යන ක්‍රමවේදයක් හොයන්න කියන එක ජනාධිපතිවරයාත් කියලා තියෙනවා.”