කෙසෙල් වගාවට හොඳ කලක්...

 

වාර්ෂිකව ඇඹුල් කෙසෙල් පමණක් කිලෝග්‍රෑම් 152,000 ක් නිෂ්පාදනය කිරීමට කෙසෙල් වගාව අපනයන තත්වයට දියුණු කිරීමේ වැඩසටහන යටතේ හැකියාව ලැබී ඇති බව කෘෂිකර්ම අමාත්‍යාංශය දැනුම් දී තිබේ.

මෙම කෙසෙල් අස්වැන්න අපනයනය සඳහාද විධිමත් වැඩපිළිවෙලක් සකස් කර ඇති අතර, මෙට්‍රික් ටොන් 1 ක් ඩොලර් 600 ත් 700 ත් අතර මිලකට අලෙවි වේ.

කෘෂිකර්ම අමාත්‍යාංශය ප්‍රකාශ කළේ මේ වසරේ මුල් මාස හය තුළ ඇමරිකානු ඩොලර් 28,000 ක ආදායමක් මෙමගින් උපයා ඇති බවයි

ඉදිරියේදී අපනයන තත්වයෙන් කෙසෙල් නිෂ්පාදනය කිරීම පිළිබඳව නියමු ව්‍යාපෘති දිස්ත්‍රික්ක ගණනාවක ක්‍රියාත්මක කිරීමට අපේක්ෂා කරන බව ද එම අමාත්‍යාංශය වැඩිදුරටත් සඳහන් කළේය.