බිත්තර ආනයනය කිරීම ලබන සතියේ සිට...

 

ලබන සතිය තුළ පළමු බිත්තර තොගය මෙරටට ආනයනය කරන බව වෙළෙඳ අමාත්‍ය නලින් ප්‍රනාන්දු පවසයි.

අමාත්‍යවරයා පැවසුවේ පසුගිය 2වනදා රැස් වූ කැබිනට් මණ්ඩලය බිත්තර ආනයනය කිරීමට අනුමැතිය ලබාදුන් බවයි.

මේ අතර බිත්තර ආනයනය කිරීමට රජය ගත් තීරණය හේතුවෙන් සිය කර්මන්තය නිරතවන විශාල පිරිසකට දැඩි බලපෑමක් එල්ලවන බව සුළු හා මධ්‍ය පරිමාණ බිත්තර නිශ්පාදකයින්ද පෙන්වා දෙයි.

කෙසේ වෙතත් අද දිනයේ ද වෙළෙඳපොළ තුළ බිත්තරයක් රුපියල් 65 - 70ත් අතර විවිධ මිල ගණන්වලට අලෙවි වූ බව පාරිභෝගික ජනතාව පවසයි.