බුදුදහමට අපහාස කිරීමේ සිදුවීම සම්බන්ධයෙන් දේවගැති ජෙරම් ප්රනාන්දුගේ මවුපියන් කෝටි වාරයක් සමාව ඉල්ලුව ද එයට නීතියෙන් ම පිළිතුරු ලැබිය යුත්තක් බව රත්මලාන ධර්ම පර්යේෂණාලයේ අධ්යක්ෂ පූජ්ය හෑගොඩ විපස්සි හිමියෝ කියා සිටිති.
ජෙරම් ප්රනාන්දු එවන් ප්රකාශයක් කළේ කිසිසේත්ම අත්වැරදීමකින් නොවන බවත් බුදුදහමට නින්දා කිරීමේ ඒකාන්ත අරමුණින් බවත් උන්වහන්සේ කියා සිටියහ.
ඔහු බුදුදහමට අපහාස කර ඇත්නම් ඔහු වෙනුවෙන් දෙමව්පියන් සමාව ඉල්ලීමට යාමෙන් සිදු කරනු ලබන්නේ රටේ ජනතාවගේ අනුකම්පාව දිනා ගැනීම උත්සාහයක් බව ද විපස්සි හිමියෝ කියා සිටියහ.
බුදුදහම යනු විවෘත වූ දහමක් බවත් එම දහමට නින්දා අපහාස කිරීමට කිසිසේත්ම සමාව දීමක් කළ නොහැකි බවත් පැවසූ උන්වහන්සේ මෙවැනි අපහාස වලට නීතියෙන් දඬුවම් කළ යුතු බවද පැවසූහ.
එසේ නොකළහොත් මෙරට තුළ ආගමික ගැටුම් සහ ආගමික කල්ලි නිර්මාණය වනු ඇති බවද උන්වහන්සේ තවදුරටත් කියා සිටියහ.
0 Comments