කර්නාටක ප්‍රාන්තයේ චිත්‍රදුර්ගා රෝහලක ශල්‍යාගාරයක් තුළ සිදු වූ පූර්ව විවාහ ඡායාරූප රූගත කිරීමක් මේ වනවිට ආන්දෝලනයකට තුඩු දී තිබෙනවා.
චිත්‍රදුර්ගා හි භාරමසාගර් ප්‍රදේශයේ දිස්ත්‍රික් රෝහලේ කොන්ත්‍රාත්තු මත පදනම් වූ වෛද්‍යවරයකු වන වෛද්‍ය අභිෂේක්, රජය විසින් පවත්වාගෙන යනු ලබන රෝහලක ශල්‍යාගාරයක් තුළ ඔහුගේ පූර්ව විවාහ ඡායාරූප රූගත කිරීම සිදුකර තිබෙනවා.
එම වීඩියෝවේ, වෛද්‍ය අභිෂේක් රෝගියෙකුට ශල්‍යකර්මයක් සිදු කරන ආකාරය දැක ගත හැකි අතර ඔහුගේ සහකාරිය ඔහුට සහාය වෙනවා.
විවාහයට පෙර ඡායාරූප රූගත කිරීමෙහි තේමාව වූයේ වෛද්‍ය ක්‍රියා පටිපාටි වන අතර, වීඩියෝව අවසානයේ 'රෝගියා' පශ්චාත් ශල්‍යකර්මයෙන් පසු වාඩි වී සිටින ආකාරය පෙන්නුම් කරනවා.
මෙම වීඩියෝව සමාජ මාධ්‍යවල ප්‍රචලිත වීමත් සමඟ ආන්දෝලනයක් ඇති කරමින් කර්නාටක සෞඛ්‍ය අමාත්‍ය දිනේෂ් ගුන්ඩු රාඕ වෛද්‍ය අභිෂේක් සේවයෙන් පහ කිරීමට නියෝග කර ඇතිබව සදහන්.
තව කියවන්න :
0 Comments