අධ්‍යාපන අමාත්‍යාංශය විශේෂ නිවේදනයක් නිකුත් කර තිබෙනවා.
ඒ දිවයිනට බලපා ඇති අයහපත් කාලගුණික තත්ත්වය මත ගංවතුර සහ වෙනත් ආපදාවලට ලක්ව ඇති පාසල්වලට නිවාඩු ලබාදීම සම්බන්ධයෙන් ය.
ඒ අනුව පාසල්වලට නිවාඩු ලබාදීමේ දී පළාත් ප්‍රධාන ලේකම්, පළාත් අධ්‍යාපන ලේකම් හෝ පළාත් අධ්‍යාපන අධ්‍යක්ෂ විසින් සුදුසු පරිදි අවශ්‍ය පියවර ගන්නා ලෙසට අධ්‍යාපන අමාත්‍යාංශය උපදෙස් දී ඇත.
නිවේදනයක් නිකුත් කරමින් එම අමාත්‍යාංශය සඳහන් කරන්නේ, වර්තමානයේ පවතින කාලගුණික තත්ත්වය හේතුවෙන් දිස්ත්‍රික් ආපදා කළමනාකරණ කමිටු සමග සාකච්ඡා කර ඇති බව ය.
මේ අතර, ගම්පහ සහ කැලණිය අධ්‍යාපන කලාපවල සියලු පාසල් සහ කොලොන්නාව සහ කඩුවෙල අධ්‍යාපන කොට්ඨාසවල සියලු පාසල් හෙට (15) වැනිදාත් වසා දැමීමට පියවර ගෙන තිබෙනවා.
එමෙන්ම, කොළඹ කලාපයේ සියලු පාසල් ද හෙට (15) දිනයේත් වසා දැමීමට තීරණය කෙරේ.
තවත් පුවත් :
0 Comments