වැඩකට නැති රජයේ ඉඩම් පුද්ගලික අංශයට දෙනවා..

 

රජය සතුව ඇති ඌණ උපයෝගිත වතු පෞද්ගලික අංශයට ලබාදීමට සූදානම් බව වැවිදි සහ ප්‍රජා යටිතල පහසුකම් අමාත්‍ය සමන්ත විද්‍යාරත්න මහතා සඳහන් කරයි.

එම අමාත්‍යංශයේ වැය ශීර්ෂ විවාදයට අද පාර්ලිමේන්තුවේදී එක්වෙමින් ඒ මහතා මෙසේ කියා සිටියේය.

“වැවිලි බෝග වල ඉරණම බාරගන්නට අප රජයේ සූදානම්. පොල් නිෂ්පාදනය පහළ යන්න කොතන හෝ සැලසුම් වල වරදක් තිබෙනවා.

දේශපාලනය හරියට මෙහෙයවූයේ නැති වුනාම මේක හරියට කරගන්න බෑ.දක්ෂ නිලධාරීන් ඉන්නවා. හැබැයි හරි ප්‍රතිපත්තියක් හදා හොඳ මෙහෙයවීමක් කළොත් මේ ක්ෂේත්‍ර උඩට ගන්න පුළුවන්.

පොල් කර්මාන්තය ඉස්සරහට ගේන්න වසර දහයක සැලැස්මක් අප හදනවා.

එමෙන්ම ජාතික වැවිලි ප්‍රතිපත්තියක් හදා කැබිනට් මණ්ඩලයට ඉදිරිපත් කරනවා. පොල් කර්මාන්තයේ දස අවුරුදු සැලසුමක් හදනවා”