ලොව සුන්දරතම දූපත ලෙස ශ්‍රී ලංකාව නම් කරයි

ගෝලීය සංචාරක වෙබ් අඩවියක් වන Big 7 Travel විසින් සම්පාදනය කරන ලද “ලොව හොඳම දූපත් 50” ලැයිස්තුවේ පළමු ස්ථානයට ශ්‍රී ලංකාව පත්ව තිබෙනවා.

2025 වසර සඳහා වන මෙම ලැයිස්තුවෙන් ලොව අතිශයින්ම සිත් ඇදගන්නාසුළු දූපත් ගමනාන්තයන් ලැයිස්තුගත කර තිබෙනවා.

ප්‍රංශ පොලිනීසියාවේ පිහිටි මුවර් දූපත (Mo’orea), ඉක්වදෝරයේ ගලපගෝස් දූපත් (Galápagos Islands) සහ සීෂෙල්ස් (Seychelles) ඇතුළු දූපත් කිහිපයක් ශ්‍රී ලංකාවට අමතරව මෙම ලැයිස්තවේ ඉහළම ස්ථාන හිමි කර ගෙන තිබෙනවා.

Big 7 Travel පවසන පරිදි, ශ්‍රී ලංකාව මෙම කිරුළට පාත්‍ර වී ඇත්තේ ශ්‍රී ලංකාව සතු සංස්කෘතික උරුමයන්, විවිධ භූ දර්ශන සහ සුන්දර වෙරළ තීරයන්හි ඇති විශිෂ්ට සංකලනය හේතුවෙනුයි.

එමෙන්ම, මෙම දූපත් රාජ්‍යයේ අනන්‍ය වනජීවී අත්දැකීම්, පුරාණ විහාරස්ථාන, සශ්‍රීක තේ වතු සහ විචිත්‍රවත් දේශීය අත්දැකීම් ද මෙම ලැයිස්තුවේ ප්‍රශංසාවට ලක්ව ඇතැයි සඳහන් කර තිබෙනවා.

2025 ශ්‍රේණිගත කිරීම්වල ඉහළම දූපත් 10 පහතින්,

1. ශ්‍රී ලංකාව
2. මුවර් (Mo’orea), ප්‍රංශ පොලිනීසියාව
3. සොකෝත්‍රා (Socotra), යේමනය
4. මැඩෙයිරා (Madeira)
5. ගලපගෝස් (The Galápagos), ඉක්වදෝරය
6. ග්‍රේට් එක්සුමා (Great Exuma), බහමාස්
7. සීෂෙල්ස් (Seychelles)
8. ඇකිල් දූපත (Achill Island), අයර්ලන්තය
9. කෝ ලිපේ (Koh Lipe), තායිලන්තය
10. මිලෝස් (Milos), ග්‍රීසිය

The post ලොව සුන්දරතම දූපත ලෙස ශ්‍රී ලංකාව නම් කරයි appeared first on TODAY NEWS LK.

from TODAY NEWS LK https://ift.tt/k7RbcSs