හිටපු ඕස්ට්‍රේලියානු ක්‍රිකට් ක්‍රීඩක මයිකල් ක්ලාක්, සමේ පිළිකා රෝගී තත්ත්වයක් පිළිබඳව දැනුවත් කිරීමක් සිදුකර තිබේ.
සමාජ මාධ්‍ය ඔස්සේ ප්‍රකාශයක් නිකුත්කරමින් ක්ලාක් හෙළිකළේ, නාසයේ හටගත් පිළිකාවක් ඉවත් කිරීමේ සැත්කමකට තමා භාජනය වූ බවයි.
හිටපු ක්‍රිකට් ක්‍රීඩකයා මහජනතාවගෙන් සමේ පරීක්ෂණවලට භාජනය වන ලෙස ඉල්ලා සිටි අතර, වැළැක්වීම සුවකිරීමට වඩා හොඳ බව සදහන් කර ඇත.
“සමේ පිළිකා සැබෑයි! විශේෂයෙන් ඕස්ට්‍රේලියාවේ. අද මගේ නාසයෙන් තවත් එකක් ඉවත් කෙරුණා. ඔබේ සම පරීක්ෂා කර ගැනීමට මිත්‍රශීලී මතක් කිරීමක්. සුව කිරීමට වඩා වැළැක්වීම හොඳය. නමුත් මගේ සිදුවීමේදී, නිතිපතා පරීක්ෂා කිරීම් සහ කළින් හඳුනාගැනීම ප්‍රධාන වේ”ඔහු තවදුරටත් පැවසීය.
44 හැවිරිදි මයිකල් ක්ලාක්, සිය සමාජ මාධ්‍ය ගිණුම හරහා දැනුවත් කර තිබුණේ නිතිපතා සෞඛ්‍ය පරීක්ෂණ සිදු කිරීම ඉතා වැදගත් බවයි.
0 Comments