IPL ක්‍රීඩක වෙන්දේසිය පැවැත්වෙන දිනය ප්‍රකාශයට පත් කෙරේ

2026 ඉන්දීය ප්‍රිමියර් ලීග් (IPL) ක්‍රීඩක වෙන්දේසිය දෙසැම්බර් 16 වන දින අබුඩාබි හිදී පැවැත්වීමට නියමිතව ඇති බව විදෙස් මාධ්‍ය වාර්තා කරනවා.

ඉන්දීය ක්‍රිකට් පාලක මණ්ඩලය (BCCI) ඉන්දියාවෙන් පිටත වෙන්දේසිය පවත්වන අඛණ්ඩ තුන්වන වසර මෙය බවයි විදෙස් මාධ්‍ය වාර්තා කරන්නේ.

2026 IPL තරගාවලිය මාර්තු 15 සිට මැයි 31 පැවැත්වීමට මූලික සැලසුම් කර තිබෙනවා.

2024 වාරය සඳහා පළමු විදේශීය IPL වෙන්දේසිය ඩුබායි හිදී පැවැත්වුණා.

2025 වාරය සඳහා දින දෙකක මෙගා වෙන්දේසිය පසුගිය නොවැම්බර් මාසයේදී සෞදි අරාබියේ ජෙඩා හිදී පැවැත් වුණා.