සැකකරු සන්තකයේ තිබී හෙරොයින් මත්කුඩු ගෑම් 6 මිලිගෑම් 115 ක්, මත්පෙති 147 ක් මෙන්ම,අංක 51599 දරන මේඩි ඉන් යුඑස්ඒ ( ඇමරිකා එක්සත් ජනපදය) ලෙස සටහන් කර තිබූ ගිනි අවියක් හා දශම 38 වර්ගයේ ජීව උන්ඩ තුනක්ද පොලිසිය භාරයට ගෙන තිබේ.
සැකකරු අනාවරණය කල තොරතුරු ඔස්සේ සොයා ගත් ගිනි අවිය සම්බන්ධයෙන් වැඩිදුරටත් ප්‍රශ්න කිරීමේදී එය මියගිය පියාට අයත් ගිනි අවියක් බවට සැකකරු අනාවරණය කළ බවත්
සැකකරුගේ පියා ද මත්ද්‍රව්‍ය ජාවාරම ජාවාරමේ යෙදුනු අයෙක් බවත් පොලිස් නිලධාරියකු පැවැසීය.
සැකකරු මෙම ගිනි අවිය පාතාල ක්‍රියාකාරකම් සඳහා කුලියට ලබා දුන්නාද?එසේ නොමැති නම් සැකකරු පෞද්ගලිකව විවිධ අපරාධ සඳහා යොදා ගත්තාද ? යන්න පැති කීපයක් ඔස්සේ විමර්ශන සිදු කරන බව පොලීසිය කියයි.
සැකකරු රැඳවුම් නියෝග කාලය අවසන් වීමෙන් පසු එළඹෙන 9 වෙනි දින ඔහු නුගේගොඩ මහේස්ත්‍රාත් අධිකරණය වෙත ඉදිරිපත් කිරීමට නියමිතය.
කොළඹ අපරාධ කොට්ඨාසයේ ස්ථානාධිපති ප්‍රධාන පොලිස් පරීක්ෂක ඇන්සලම් ද සිල්වාගේ උපදෙස් මත සංවිධානාත්මක අපරාධ විමර්ශන ඒකකයේ ස්ථානාධිපති උප පොලිස් පරීක්ෂක ආර් එල් ආර් මධුරංග මහතා ඇතුළු කණ්ඩායමක් මේ පිළිබඳව පරීක්ෂණ පවත්වයි.
0 Comments