ආදායම 350,000 නම් බද්ද 52,000යි… ජනවාරි සිට ක‍්‍රියාත්මකයි..

රුපියල් ලක්ෂයට වැඩි මාසික අදායම් මත 6 % සිට 36 % දක්වා බදු අය කිරීම ජනවාරි මාසයේ සිට සිදු කිරීමට පාර්ලිමේන්තුව (09) අනුමැතිය ලබා දී තිබේ. ඒ, දේශීය අදායම් බදු සංශෝධන පනත් කෙටුම්පත සම්මත කරමිනි.

දේශීය ආදායම් බදු සංශෝධන පනත් කෙටුම්පත (09) සම්මත වුණේ සංශෝධන සහිතවයි.

පනතට පක්ෂව ඡන්ද 79 ක් ලැබුණු අතර විපක්ෂව ලැබුණු ඡන්ද සංඛ්‍යාව 36 කි.

මාසික ආදයම රුපියල් ලක්ෂයක් දක්වා නව සංශෝධන තුළින් බද්දෙන් නිදහස් කර තිබේ.

නමුත් ලක්ෂය ඉක්මවන ආදායම් මත 6 % සිට 36 % දක්වා ආදායම් කාණ්ඩ 6 ක් යටතේ බදු අය කිරීමට යෝජිතයි.

ඒ අනුව මසකට රුපියල් 350,000 ක අදායමක් ලබන අයෙකු අදාළ බදු කාණ්ඩ 6 ටම යටත්වන අතර ඔහු මසකට ගෙවිය යුතු බද්ද රුපියල් 52,500 ක් වනු ඇති.

– newsfirst