මාර්ග නීති උල්ලංඝනය කරමින් රිය ධාවනය මත පොලිස් නිලධාරීන් විසින් දඩ නියම කරද්දී එම නිලධාරීන්ට අසභ්‍ය ලෙස බැණ වැදී රාජකාරියට බාධා කළ අමේෂ් රුවන්ත නැමැත්තා පොලිසිය විසින් අත්අඩංගුවට ගෙන තිබේ.
ඒ ඔහු මිරිහාන පොලිසියට පැමිණ බාර වීමෙන් පසුවයි.
පොලිසිය දඩ නියම කරද්දී එම නිලධාරීන්ට බැණවැදුණු ඔහු පැවසුවේ තමන් ප්‍රබල පුද්ගලයකු බවත් ප්‍රබලයන් අඳුනන බවත් තමනට දඩ නියම කිරීමෙන් පොලිසිය අපහසුතාවයට පත්වනු ඇති බවත් ය.
තමන් කවුදැයි අන්තර්ජාලයෙන් සොයා බලන ලෙසද ඔහු කියා සිටියේය.
කෙසේ වෙතත් ඉන් අනතුරුව ඔහු තම සමාජ ජාලා ගිණුම් සියල්ල අක්‍රිය කර ප්‍රදේශයෙන් පලාගොස් තිබිණි.
0 Comments