පළාත් පාලන ආයතනවල සභික සංඛ්යාව අඩු කිරීම ඇතුළු පළාත් පාලන මැතිවරණ සංශෝධනය සම්බන්ධයෙන් තීරණය කිරීම සඳහා පාර්ලිමේන්තු තේරීම් කාරක සභාවක් පිහිටුවීමට රජය යෝජනා කර තිබේ.
ප්රාදේශීය සභා මන්ත්රීවරුන් සංඛ්යාව 8,700 සිට 4,400 දක්වා අඩු කිරීමේ යෝජනාව සම්බන්ධයෙන් සාකච්ඡා කිරීමට ජනාධිපති රනිල් වික්රමසිංහ මහතා අඟහරුවාදා දේශපාලන පක්ෂ නායකයින් හමුවීමට නියමිතව ඇති බව පැවසේ.
අධිකරණ අමාත්ය විජයදාස රාජපක්ෂ සන්ඩේ ටයිම්ස් පුවත්පතට පවසා තිබුණේ මන්ත්රීවරුන් අඩු කිරීම සහ අනෙකුත් වෙනස්කම් සිදුකිරීමට හැකිවන පරිදි නීති සංශෝධන හඳුන්වාදීම මෙහි අරමුණ බවයි.
යෝජිත තේරීම් කාරක සභාව පිළිබඳව තමන් සිකුරාදා දින අගමැති දිනේෂ් ගුණවර්ධන මහතා දැනුවත් කර ඇති අතර ඊට යහපත් ප්රතිචාරයක් ලැබී ඇති බව අමාත්ය රාජපක්ෂ මහතා පවසා ඇත.
ලබන වසරේ මාර්තු මාසයට පෙර පැවැත්වීමට නියමිත මීළඟ පළාත් පාලන මැතිවරණයට පෙර කැබිනට් මණ්ඩලයට සංශෝධන සලකා බලා අනුමැතිය ලබාදීමට හැකිවන පරිදි තේරීම් කාරක සභා වාර්තාව සති දෙකක් ඇතුළත අපේක්ෂා කරන බව ඔහු පැවසීය.
සමගි ජන බලවේගයේ ප්රධාන ලේකම් රංජිත් මද්දුම බණ්ඩාර මහතා පැවසුවේ සභික සංඛ්යාව අඩු කිරීමට තමන් විරුද්ධ නොවන නමුත් තේරීම් කාරක සභා ක්රියාවලිය යොදා ගනිමින් පළාත් පාලන මැතිවරණය ප්රමාද කිරීමට ගන්නා ඕනෑම ක්රියාමාර්ගයකට විරුද්ධ වන බවයි.
මැතිවරණ කොමිසමේ සභාපති එස්.ජී.පුංචිහේවා සන්ඩේ ටයිම්ස් පුවත්පතට ප්රකාශ කළේ මැතිවරණය සඳහා රුපියල් බිලියන 10ත් 11ත් අතර මුදලක් වැය වෙතැයි ගණන් බලා ඇති බවයි.
මේ මස අග වන විට නාමයෝජනා ප්රකාශයට පත් කර පෙබරවාරි මස අග හෝ මාර්තු මුල මැතිවරණය පැවැත්වීමට කටයුතු සූදානම් කරමින් සිටින බව ඔහු පැවසීය.
0 Comments