ගබඩාවක් ගිනි ගනී...

 

කැළණිය ප්‍රදේශයේ අද (05) උදෑසන හදිසියේ ගින්නක් ඇති වී තිබේ.

කැළණිය – ගල්බොරැල්ල මංසන්ධියේ පිහිටා ඇති පෞද්ගලික රෝහලට අයත් ගබඩා ගොඩනැගිල්ලක මෙම ගින්න හට ගෙන තිබේ.

මේ වනවිට අදාළ ස්ථානයට ගිනි නිවීමේ රථ හා ජල ප්‍රහාරක රථ කැළණිය නගර සභාවෙන් පිටත් කර යවා ඇති බවයි වාර්තා වේ.

ගින්න මර්දනයට ගිනි නිවීමේ රථ 06ක් යොදවා තිබේ.

ගින්නට හේතුවක් තවමත් සොයාගෙන නොමැති අතර, ඇතුළත සිදු වූ කාර්මික දෝෂයක් මෙලෙස ගින්න ඇති වන්නට ඇතැයි පොලිසිය විශ්වාස කරන බව වාර්තා වේ.

ගින්නෙන් විශාල දේපල හානියක් සිදුව ඇති මුත්, ජීවිතවලට ඉන් හානියක් සිදුව නොමැත.

සිද්ධිය සම්බන්ධයෙන් මේ වනවිට පොලිස් විමර්ශන ක්‍රියාත්මකයි.