රුපියල් හත්දහසකට මිලදී ගත හැකි "ගැන්සයික්ලෝවියන්" නමැති ප්‍රති වයිරස එන්නත රුපියල් හැත්තෑහත්දහසකටත්, රුපියල් දෙසීයකට ඇති "ලිනොසොලිඩ්" නමැති ප්‍රතිජීවකය රුපියල් දෙදහස් දෙසීයකටත් මිලදී ගැනීමට සෞඛ්‍ය අමාත්‍යාංශය සූදානම් වන බවට සෞඛ්‍ය වෘත්තියවේදීන්ගේ විද්වත් සංගමය චෝදනා කරයි.
අසියානු සංවර්ධන අරමුදල හරහා මෙම ඖෂධ මිලදී ගැනීමට සූදානම් වන බවද එම සංගමයේ සභාපති රවී කුමුදේශ් පැවසීය.
කෙසේ වෙතත් මෙම ගනුදෙනුව හේතුවෙන් රට අනවශ්‍ය ණයකරුවන් වන නමුත් ඊනියා මාර්ගෝපදේශ හරහා සිදුවන මෙවැනි තාක්ෂණික හොරකම් නැවැත්වීමට සෞඛ්‍ය අමාත්‍යාංශය කිසිදු උත්සාහයක් නොගන්නේ, තීරණ ගන්නා ඇතැම් නිලධාරීන්ද මෙම ගනුදෙනුවල කොටස්කරුවන් වී ඇති නිසා බවද හෙතෙම කීවේය.
0 Comments