නව පත්වීම් තුනක් සඳහා අනුමැතිය...

 

නව අමාත්‍යාංශ ලේකම්වරු දෙදෙනෙක් සහ නව තානාපතිවරයෙක් පත්කිරීම සඳහා උසස් නිලතල පිළිබඳ පාර්ලිමේන්තු කාරක සභාවේ අනුමැතිය ලැබී තිබේ.

පාර්ලිමේන්තුවේ මහ ලේකම් ධම්මික දසනායක පැවසුවේ නාගරික සංවර්ධන හා නිවාස අමාත්‍යාංශයේ නව ලේකම්වරයා ලෙස ඩබ්ලිව්. එස්. සත්‍යානන්දගේ පත්වීම සහ ආයෝජන ප්‍රවර්ධන අමාත්‍යාංශයේ නව ලේකම්වරයා ලෙස එම්. එම්. නයීමුඩීන්ගේ පත්වීමද උසස් නිලතල පිළිබඳ කාරක සභාව අනුමත කළ බවය.

එයට අමතරව, පිලිපීනයේ ශ්‍රී ලංකා තනාපති ලෙස ආචාර්ය චානක හර්ෂ තල්පහේවා පත්කර යැවීමටද උසස් නිලතල පිළිබඳ කාරක සභාව අනුමැතිය ලබාදුන් බව මහ ලේකම්වරයා දන්වා සිටියේය.

පාර්ලිමේන්තුවේ උසස් නිලතල පිළිබඳ කාරක සභාව කථානායක මහින්ද යාපා අබේවර්ධන මහතාගේ ප්‍රධානත්වයෙන් පසුගියදා (04) පාර්ලිමේන්තුවේදී රැස්වූ අතර පාර්ලිමේන්තු මන්ත්‍රීවරුන් වන ජෝන් සෙනවිරත්න, අනුර ප්‍රියදර්ශන යාපා, තලතා අතුකෝරළ සහ සුදර්ශනී ප්‍රනාන්දුපුල්ලේ යන අය ඊට සහභාගී වූහ.