වාහන ගැන ගන්න යන අලුත්ම තීරණය...

 

රටේ ජනගහණයෙන් සෑම පස්දෙනෙකුගෙන් එක් අයෙකු පසුගිය වසර 05 තුළ විදේශයෙන් වාහනයක් ගෙන්වා ඇති බව මුදල් රාජ්‍ය අමාත්‍ය රංජිත් සියඹලාපිටිය පවසයි.

අද (09) පාර්ලිමේන්තුවේදී ප්‍රශ්නයකට පිළිතුරු ලබාදෙමින් රාජ්‍ය අමාත්‍යවරයා මේ බව පැවසීය.

ඔහු පැවසුවේ මින් 75%ක්ම බැංකු ණය මත ලබාගත් වාහන බවයි.

වාහන ආනයනයේදී බදු ගෙවීම ඩොලර්වලින් ගෙවීමට අදාළ යෝජනාවක් ඇතුළත් කිරීමට ඉදිරියේදී අපේක්ෂා කරන බවද මුදල් රාජ්‍ය අමාත්‍ය රංජිත් සියඹලාපිටිය පැවසීය.

2015 සිට 2020 දක්වා ශ්‍රී ලංකාවට ආනයනය කරන ලද වාහන සංඛ්‍යාව 2,498,714කි. "

2015දී - වාහන 652,446ක්

2016දී වාහන 466,986ක්

2017දී වාහන 448,320ක්

2018දී වාහන 496,282ක්

2019දී වාහන 332,452ක්

2020දී වාහන 102,228ක්