දෛවයේ සරදම! මේ පාලකයන්ට කුමක් කරමුද ?

 

ඩොලර් මිලියන 200ක් පමණ වැයකර ,ලෝකයේ විශාලතම ගුවන්යානය වුවද ගොඩබෑමට හැකියාව ඇති,ජාත්‍යන්තර ගුවන් තොටුපලක තිබිය යුතු මූලික පහසුකම් සියල්ල ඇති,ගුවන්තොට අරඹා වසරක් යන තැනේදී මගීන් 40000කට වඩා ආ ගිය මත්තල ගුවන්තොටුපල රාජපක්ෂවරුන්ට බැන බැන" වී බිස්සක්" බවට පත්කළ ගොන් නායකයා රනිල් වික්‍රමසිංහය.දෛවයේ සරදම වන්නේ එසේ කළ රනිල් මත්තල හැදූ පිලේ ආශීර්වාදය ලබන ජනාධිපති බවට පත්කර ගැනීමය.ඒ සමඟම මතක තබා ගත යුතු අනෙක් කරුණ වන්නේ හම්බන්තොට වරාය ඩොලර් බිලියන 1 ට වික්කේද මේ රනිල්මය.

        මේ මගින් ජනතාව තේරැම් ගත යුත්තේ කුමක්ද? මොවුන්ට රටක ජාතික වශයෙන් වැදගත් කිසිදු සම්පතක් වැඩක් නැත.තම පංතියට තර්ජනයක් එල්ල වන විට බොරු විරෝධයන් පසෙකලා මොවුන් සියලු දෙනා එකතු වන බව නොවේද?

        දැන් රනිල් හා මේ පොහොට්ටු කල්ලිය එකතු වී රටේ ඉතුරු වී ඇති අනෙක් ලාභ ලබන ජාතික සම්පත් සියල්ල විකිණීමටIMF සමඟ එකඟ වී ගිවිසුම්ද අත්සන් කර ඇත.

මත්තලද පාඩු බව හුවා දක්වා කුණුකොල්ලය⁣ට විකුණනු ඇත.

  හම්බන්තොට වරායත්,මත්තලත් මේ රටේ ආර්ථික සංවර්ධනයේ දොරටු බවට පත්කර ගැනීමට අවස්ථාව තිබියදී මේ ලෙස මේ සම්පත් විකිණීමට මොවුන්ට බලය දුන්නේ කවුද?ජනතා වරමක්  නොමැති මේ පාලකයන්ට මේ රට විනාශකර දැමීමට ඉඩදී අපි බලා සිටිමුද?එසේ නොමැති නම් රටේ අනාගතය වෙනුවෙන් මේ ප්‍රතිපත්ති වලට විරුද්ධ සියලු දෙනා එකතුවී මේ පාලනය පරාජය කළ යුතු නොවේද?