එංගලන්තය සමග පැවැත්වෙන ටෙස්ට් තරගාවලිය ගැන වාර්තා වෙන අලුත්ම පුවත තමයි මේ.
හිටපු එංගලන්ත ක්‍රිකට් ක්‍රීඩකයෙකු සහ ක්‍රිකට් පුහුණුකරුවෙකු වන ඉයන් බෙල් එළඹෙන එංගලන්ත සංචාරය සඳහා ශ්‍රී ලංකා ක්‍රිකට් කණ්ඩායමේ සහාය කාර්ය මණ්ඩලය සමඟ එක්වීමට සූදානමින් සිටිනවා.
ඔහු මේ සඳහා තෝරාගෙන ඇත්තේ එරට තත්ත්වයන් සඳහා ශ්‍රී ලංකා කණ්ඩායම හුරුකිරීම සඳහායි.
බෙල්ගේ ඇතුළත් කිරීම මගින් එංගලන්ත තණතීරු සහ කාලගුණය පිළිබඳ වටිනා අවබෝධයක් ගෙන එනු ඇති බවටයි වාර්තා වෙන්නේ.
ශ්‍රී ලංකා කණ්ඩායමට අභියෝගාත්මක තරගයක් වන මෙම සංචාරය සඳහා ක්‍රීඩකයෙකු සහ පුහුණුකරුවෙකු ලෙස බෙල්ගේ පුළුල් අත්දැකීම් මනාව ඉවහල්වනු ඇති බවයි වැඩිදුරටත් වාර්තා වෙන්නේ.
මේ අතර තරග තුනකින් සමන්විත එංගලන්ත ටෙස්ට් තරගාවලිය සඳහා ශ්‍රී ලංකා කණ්ඩායම අද දිවයිනෙන් පිටත්ව ගියා.
එහි පළමු ටෙස්ට් තරගය අගෝස්තු 21වැනිදා මැන්චෙස්ටර්හිදී ආරම්භ වීමට නියමිතයි.
තවත් පුවත් :
- මාලිමා ආණ්ඩුවේදී නිවෙස්වල කුස්සිය ඉවත් කරනවා..
- ශ්‍රී ලංකා ක්‍රිකට් ක්‍රීඩකයින් දෙදෙනෙකු ගැන ඇසෙන දුක හිතෙන පුවත මෙන්න.
0 Comments