ප්‍රමිතියෙන් තොර ප්‍රතිදේහ එන්නත් මිලදී ගැනීමේ සිද්ධිය සම්බන්ධයෙන් වූ නඩු විභාගය අවසන් වන තෙක් තමාව රක්ෂිත බන්ධනාගාර ගත කිරීමට මාළිගාකන්ද මහෙස්ත්‍රාත් අධිකරණය දී ඇති නියෝගය බලරහිත කිරීමේ නියෝගයක් නිකුත් කරන ලෙස ඉල්ලා හිටපු සෞඛ්‍ය අමාත්‍ය කෙහෙළිය රඹුක්වැල්ල ගොනු කර ඇති පෙත්සමේ නියෝගය ප්‍රකාශ කිරීම කල් දමා තිබෙනවා.
එම නියෝගය අද (09) ප්‍රකාශයට පත් කිරීමට නියමිතව තිබුණි.
කෙසේ වෙතත් අභියාචනාධිකරණයේ සභාපති විනිසුරු නිශ්ශංක බන්දුල කරුණාරත්න සහ ශෂී මහේන්ද්‍රන් යන මහත්වරුන්ගෙන් සමන්විත විනිසුරු මඩුල්ල එම තීන්දුව ප්‍රකාශ කිරීම සැප්තැම්බර් 4 වැනි දින දක්වා කල්තබන බව සඳහන් කර ඇත.
එමෙන්ම හිටපු අමාත්‍යවරයා විසින් ඉදිරිපත් කළ පෙත්සම විභාගයට ගැනීමට අවසර දෙන්නේද? නැද්ද? යන තීන්දුව සහ ඔහු ඇප මත මුදාහරින ලෙස කර තිබෙන ඉල්ලීම පිළිබඳව තීන්දුව ද එදින ප්‍රකාශයට පත් කිරීමට නියමිතයි.
තවත් පුවත් :
- හරීන්ට, මනුෂට පාර්ලිමේන්තු මන්ත‍්‍රී ධුර අහිමි වේ.. ශ්‍රේෂ්ඨාධිකරණයෙන් නියෝගයක්..
- ෆොන්සේකා ඉල්ලා අස්වෙයි.. මාලිමාවට සහය දෙන්න යයි..?
0 Comments