තරුෂි කරුණාරත්න මෙවර පැරිස් ඔලිම්පික් තරගාවලියේදී භාවිත කළ ක්‍රීඩා ඇඳුම් කට්ටලය ස්විට්සර්ලන්තයේ ලුසෑන් නුවර පිහිටා ඇති ජාත්‍යන්තර ඔලිම්පික් කමිටුවේ ක්‍රීඩක කෞතුකාගාරයේ ප්‍රදර්ශනය කිරීම සඳහා නිල වශයෙන් භාරදීම අද පෙරවරුවේ පැරිස් නුවරදී සිදු ව තිබෙනවා.
මෙවර පැරිස් ඔලිම්පික් තරගාවලියේ කාන්තා මීටර 800 ඉසව්වට ආසියාව නියෝජනය කළ ලාබාලතම ක්‍රීඩකාව ලෙස ලැබුණු ගෞරවය උදෙසා IOC ක්‍රීඩක කෞතුකාගාරයේ ප්‍රදර්ශනය කිරීම සඳහා ශ්‍රී ලංකා ජාතික ඔලිම්පික් කමිටුවේ මහලේකම් මැක්ස්වෙල් ද සිල්වා මහතා ගෙන් කරනු ලැබූ ඉල්ලීමකට ප්‍රතිචාර වශයෙනුයි තරුෂිගේ මෙම ඇඳුම් කට්ටලය ක්‍රීඩා ගම්මානයේ IOC කෞතුකාගාරයේ ප්‍රදර්ශන සහ වැඩසටහන් ජ්‍යෙෂ්ඨ කළමනාකාරිනී ඈන් ජැකාර්ඩ් මහත්මිය වෙත අත්සන් කර භාරදී තිබෙන්නේ.
ඒ අනුව ශ්‍රී ලංකා ක්‍රීඩා ඉතිහාසයේ ප්‍රථම වතාවට ක්‍රීඩක ක්‍රීඩිකාවන්ගේ ඇදුම් කට්ටලයක් ලූසෑන් හි IOC කෞතුකාගාරයේ ප්‍රදර්ශනය කිරීමට තෝරාගෙන තිබීම විශේෂත්වයක්.
මෙම අවස්ථාව අගයමින් IOC සභාපතිගේ අත්සනින් යුත් සහතිකයක් තරුෂිට ලැබෙනු ඇති අතර එය ඇයට ඉදිරියේදී ලබාදීමට නියමිතයි.
අද පෙරවරුවේ පැවති මෙම අවස්ථාවට තරුශි කරුණාරත්න සමඟින් මෙවර ඔලිම්පික් තරගාවලියට සහභාගී වන ශ්‍රී ලංකා කණ්ඩායම් ප්‍රධානී චන්දන ලියනගේ මහතා ද එක්ව සිටියා.
තවත් පුවත් :
- පොහොට්ටුවේ බඩවැලත් ගැලවෙයි.. රෝහිත අබේගුණවර්ධනත් රනිල්ට එක්වෙයි..
- බංගලාදේශ අරගලය පෙරටම.. පාර්ලිමේන්තුව අල්ලාගනී.. ක‍්‍රිකට් නායක නිවස පුච්චයි..
0 Comments