නව වන විධායක ජනාධිපති අනුර කුමාර දිසානායක මහතා දළදා වහන්සේ වැඳපුදාගෙන තිබෙනවා.
මේ අතර අනුර කුමාර දිසානායක මහතා අද (23) පෙරවරුවේ ගාලුමුවදොර පිහිටි ජනාධිපති ලේකම් කාර්යාලයේ දී අගවිනිසුරු ජයන්ත ජයසූරිය මහතා ඉදිරියේ දී අභිනව ජනාධිපතිවරයා ලෙස දිවුරුම් ලබාදීමෙන් අනතුරුව මෙලෙස මහනුවර බලා පිටත්ව ගොස් ඇත්තේ ඔහු මෙතෙක් කල් භාවිත කළ සාමාන්‍ය මෝටර් රථවලින් වන බවයි වාර්තා වන්නේ.
ඒ අනුව නව ජනාධිපතිවරයා හෙලිකොප්ටර් භාවිත නොකර මෙලෙස සාමාන්‍ය රථ දෙකක් පමණක් යොදාගනිමින් කොළඹ සිට කුරුණැගල හරහා මධ්‍යම අධිවේගී මාර්ගය ඔස්සේ මහනුවර වෙත පැමිණීම, එහි සිටි ජනතාවගේ ප්‍රශංසාවට ලක්ව ඇති බවද සඳහන්.
මහනුවර වෙත ගොස් ජනාධිපති අනුර කුමාර දිසානායක මහතා ශ්‍රී දළදා මාලිගාව වැඳපුදා ගැනීමෙන් අනතුරුව මහනාහිමිවරුන් බැහැදැක සුහද කතාබහක ද නිරත වී තිබෙනවා.
ඡායාරූප👇🏻
තවත් පුවත් :
- මා ඉන්ද්‍රජාලිකයෙකු නොවේ.. මා මේ රටේ ඉපදුන සාමාන්‍ය වැසියෙක්..: ජනාධිපති ධූරයේ දිවුරුම් දීමෙන් පසු අනුර කුමාර කියයි.
- නව ජනපති ලෙස අනුර කුමාර දිසානායක දිවුරුම් දෙයි.
0 Comments