සමගි ජන බලවේගයේ පාර්ලිමේන්තු මන්ත්‍රී ෆීර්ඩ් මාශල් සරත් ෆොන්සේකාට පාර්ලිමේන්තුවේ අදහස් දැක්වීමට විපක්ෂයෙන් කාලය ලබා නොදීම සම්බන්ධව අද පාර්ලිමේන්තුවේ උණුසුම් තත්ත්වයක් ඇති වුණා.
එහිදි සරත් ෆොන්සේකා විසින් රජයේ පාර්ශවයෙන් කාලය ලබා ගනිමින් කතාව සිදුකල අතර එහිදි විපක්ෂ නායක සජිත් ප්‍රේමදාසට දරුණු විවේචනයක්ද එල්ල කරනු ලැබුවා.
"විපක්ෂයේ ප්‍රධාන සංවිධායකගෙන් වෙලාව ඉල්ලුවා මීට දවස් තුනකට කලින් එතකොට එයා මට දුන්න උත්තරය තමයි එයා මට කතා දෙන්න එපා කියලා එතුමාට උපදෙස් ලැබිලා තියනවා කියලා. ඊලඟට එතුමා ඇහුවා මගෙන් මම ජනාධිපතිවරණයේදි සජිත් ප්‍රේමදාසට වැඩ කරනවාද කියලා. ඒ හින්දා මට වෙලාව හම්බුනේ නෑ. ඒ නිසා මම මේ අවස්ථාවේදි රාජ්‍ය අනුග්‍රහය ඇතුව වෙලාව අරගෙන තියනවා මගේ කතාව කරන්න.
විපක්ෂයට වෙලාවක් වෙන්කරනවා ඒ වෙන් කරන්නේ මන්ත්‍රීවරු සංඛයාව අනුව ප්‍රතිශතයක් විදිහට. ඒ නිසා අපිට කතාවක් ලැබෙනවාද කියලා බලන්න ක්‍රමවේදයක් හදන්න ඔබතුමාලට.
ඒ වෙන් කරන වෙලාවෙන් විපක්ෂයේ එක මිනිහෙක් විතරක් දවසට විනාඩි 40ගානේ කතා කරනවා. හැම පාර්ලිමේන්තු සැසිවාරයේමත් කතා කරනවා. මම අද කතා කරන්නේ පාර්ලිමේන්තු සැසිවාර තුනකට එකපාරයි.
අපිට ලැබෙන වෙලාවත් එක මිනිහෙක් විතරක් පාවිච්චි කරලා ඒ පුද්ගලාට කඩේ යන්නේ නෑ කියලා කතා කරන්න දෙන්නේ නැත්නම් මේකේ වරදක් තියනවා. මේ වරද තමුන්නාන්සේලා නිවැරදි කරන්න ඕනේ.
අපි වැදගත් විදිහට දේශපාලනය කරනවා. අපි අරක්කු දීලා දේශපාලනය කරන්නේ නෑ. අපි පගා ගහලා නෑ. මම කොළඹ ඉන්න කැසිනෝ කාරයන්ගෙන් සල්ලි අරගෙන පාසල්වලටයි ඉස්පිරිතාලවලටයි බඩු බෙද බෙද යන්නේ නෑ. මම අරක්කු වීදුරුවක්වත් දෙන්නේ නැතිව දේශපාලනය කලා. ඒක හන්දා අපිට මේ වරප්‍රසාදය ලැබෙන්න ඕනේ.
දැන් මගේ ආසනයේත් ගෙනල්ලා දාලා තියනවා දිස්ත්‍රික් සංවිධායක කියලා එකෙක් කොහෙන්දෝ මන්දා ගෙනල්ලා දාගෙන මගේ ආසනය පුරාම අරක්කු බෙදනවා. මම මෙච්චරකල් මගේ ආසනයේ දේශපාලනය කරපු අවුරදු 7ට මම මෙච්චරකල් අරක්කු වීදුරුවක් දීලාත් නෑ කවුරුත් ඉල්ලාත් නෑ.
අපි ජාවාරම්කාරයන්ගෙන්, කැසිනෝකාරයන්ගෙන් සල්ලි අරන් එක එක තැන්වල බඩු බෙදලා ඊට පස්සේ ජනතාවගෙන් අහන්නේ නෑ මේක නේද ඔ්ගොල්ලෝ බලාපොරොත්තු වන වෙනස කියලා."
තවත් පුවත් :
- අපේ පන්දු යැවීම ගොඩක් හොඳයි, ඒත් පිතිකරණය හොදට තිබ්බේ නෑ .
- "පිට ඉඳන් ඕනිම කෙනෙක්ට ඕනිම දෙයක් කියන්න පුළුවන්." හිටපු ක්‍රීඩා ඇමතිවරයාගේ චෝදනාවට 20-20 නායක වනිඳුගෙන් සැර උත්තරයක්.
0 Comments